ബെംഗളൂരു: ചിക്കമംഗളൂരു സ്വദേശി നേത്രാവതി നദിയിൽ ചാടി ആത്മഹത്യ ചെയ്തു.
ചിക്കമംഗളൂരു നഗരത്തിലെ കാർത്തികെരെക്കടുത്തുള്ള ബീരാപുര ഗ്രാമത്തിലെ ശങ്കരഗൗഡയുടെ മകൻ പ്രസന്നകുമാർ (40) ആണ് ആത്മഹത്യ ചെയ്തത്.
പ്രസന്നകുമാർ പച്ചക്കറികളുടെയും പച്ചിലകളുടെയും കച്ചവടം നടത്തിവരികയായിരുന്നു.
ചിക്കമംഗളൂരു ഭാഗത്തു നിന്ന് മംഗളൂരു ഭാഗത്തേക്ക് മല്ലിയില വിതരണം ചെയ്യുകയായിരുന്നു ഇവരുടെ ജോലി.
തിങ്കളാഴ്ച രാവിലെ ബിസിനസ്സ് പണം വാങ്ങി വരാമെന്ന് വീട്ടുകാരോട് പറഞ്ഞാണ് മംഗളൂരുവിലേക്ക് പോയത്.
എന്നാൽ ഉച്ചയ്ക്ക് ഒരു മണിയോടെ നേത്രാവതി പാലത്തിൽ കാർ നിർത്തി ഇയാൾ നദിയിലേക്ക് ചാടുകയായിരുന്നു.
ഇത് ശ്രദ്ധയിൽപ്പെട്ട ജനങ്ങൾ കാറിന്റെ ഫോട്ടോ എടുത്ത് വിവരം ബന്ധപ്പെട്ടവരെ അറിയിക്കുകയായിരുന്നു.
വിവാഹിതനായ പ്രസന്ന കുമാർ രണ്ട് ചെറിയ കുട്ടികളുണ്ട്.
നല്ല സാമ്പത്തിക പശ്ചാത്തലവുമുള്ളയാളുമാണ് ഇയാൾ. അടുത്തിടെ അദ്ദേഹം പുതിയ വീട് പണിതിരുന്നു. ആത്മഹത്യയുടെ കൃത്യമായ കാരണം അറിവായിട്ടില്ല.
കങ്കനാടി പോലീസ് സ്‌റ്റേഷനിൽ കേസ് രജിസ്റ്റർ ചെയ്തിട്ടുണ്ട്. പോലീസ് സ്ഥലത്തെത്തി അന്വേഷണം നടത്തി തുടർ നടപടികൾ സ്വീകരിച്ചു.
പ്രസന്നകുമാറിനെ കണ്ടെത്താൻ തിങ്കളാഴ്ച വൈകിട്ട് വരെ അഗ്നിശമനസേനയുടെ നേതൃത്വത്തിൽ തിരച്ചിൽ നടത്തിയെങ്കിലും കണ്ടെത്താനായില്ല. ഇരുട്ടായതിനാൽ പ്രവർത്തനം നിർത്തിവയ്ക്കുകയായിരുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
